حوار بين بدوي وحضريه

________________________________________

قالت ترى منت بحلو قلت رجـال

والزين ماهو من شروط الرجولـه



الزين يلقـى عنـد لباسـة الشال

والرجل زين إن كان زانت فعولـه



قالت علامك تلبس شماغ وعقال

أنت بدوي؟ قلت بدوي ومن حموله



ما ألبس بناطيل لها ألوان وأشـكال

وأمتر الشارع بعرضـه وطولـه



قالت أجل راعـي معاميـل ودلال

شرب القهاوي تحسبونـه بطوله !



قلت أسمعي وتمعني في كل الاقوال

تمعني في كل حرف اقوله



كيفي يابنت الحضر دلـه وفنجـال

وحليب خلفـه بالمـراح معقولـه



وحب الكرم والجود وعلوم الأبطال

مغروس فينا من زمـان الطفولـه



قالت ترى بنت البدو حظهـا مـال

قلت إحذري حذرا تكوني جهولــه



بنت البدو يابنت مضرب للأمثـال

فوق الجمال وطاعـة الله خجولـه



ماحطت أصباغ ولا حطت ظــلال

ولا سيرت بالسوق سيـر مهبولـه



هي مهرةٍ تصعب على كل خيـال

وأنتي ومثلك عسفهـن بالسهولـه



قالت تغزل بي وشف حبة الخـال

ناظر عيوني والرموش الكسولـه



قلت العفو مايجتمع حـب وهبـال

ولكـل ذوق فالمزاييـن جـولـه



قلتي وقلت وكلمة الصـدق تنقـال

الزين ماهو من شروط الرجولـه


راقت لي كثير,ف نقلتها لكم.,،’

الموضوعالأصلي : حوار بين بدوي وحضريه // المصدر : // الكاتب: Shefo

يعطيگ آلعآفيه على آلطرح آلقيم وآلرآئع
چزآگ آلله گل خير وچعله فى ميزآن حسنآتگ يوم آلقيامه
تسلم آلآيآدى وپآرگ آلله فيگ
دمت پحفظ آلرحمن

الموضوعالأصلي : حوار بين بدوي وحضريه // المصدر : // الكاتب: Aster

موضوع رائع وجميل
جزاك الله الف خير
شكرا لك و تحياتي

الموضوعالأصلي : حوار بين بدوي وحضريه // المصدر : // الكاتب: 3ZbNy 7oBk

أكثر من روعة
رـآق لي مآتصفحت هُنآـا
سلمت يدـآك

الموضوعالأصلي : حوار بين بدوي وحضريه // المصدر : // الكاتب: فرح