بسم الله أبدأ
.. ..
.. ..
أنا لي زمان ولا لفاني خبر وطروش
من اللي من أول كان يرسل مناديبه

وذا الليل جاني علم والهوش وسط البوش
تقدم به المملوح في شكن و ريبه

فرحت و حزنت و جرّش القلب تسع جروش
و قام الهوى من ميلة الحظ يومي به

أنا مرتبش بالحب لو ماني بمربوش
كما ربشة اللي هـــبّـــلــــوا به معازيبه

وألا يــالــهـــواويّـــه غـــديـــتــــوا طـــــعــــــام جـــــحــــــوش
مدام الهوى كل الـمــهــبّــل تهذري به

ترى الحب سر ولا يــومّـــن عليه خدوش
وترى الخدش خدش يـــودّي العلم و يجيبه

يسوم الحكي بالقرش لو ما معاه قروش
و لمن سمع له علم عـــــــوّد يغني به

و لا كل من ناوش على العاليات ينوش
ولا كل من يوعد بميعاد يوفي به

ولا كل سيلن لا أنتحى في الشعيب يطوش
و عذرك على اللي طامعن في غثاريبه

ولا كل من هاوش دسم لو عليك يهوش
على نعم وإلا قالوا الناس والخيبه

ولا كل من جـرّب نقش في الكتاب نقوش
بعضهم يعيش ولا تفيده تجاريبه

ومن عيشته بالغش تالي الزمن مغشوش
يعيش و يشوف آخر نتيجة ملاعيبه

بيوتن طرت والفكر من بدعها مدووش
على قاف ما نجهل بفنه و ترتيبه


قلم عادل بوبدر الدوسري

الموضوعالأصلي : بدع بدوش // المصدر : // الكاتب: Shefo

يعطيگ آلعآفيه على آلطرح آلقيم وآلرآئع
چزآگ آلله گل خير وچعله فى ميزآن حسنآتگ يوم آلقيامه
تسلم آلآيآدى وپآرگ آلله فيگ
دمت پحفظ آلرحمن

الموضوعالأصلي : بدع بدوش // المصدر : // الكاتب: Aster

موضوع رائع وجميل
جزاك الله الف خير
شكرا لك و تحياتي

الموضوعالأصلي : بدع بدوش // المصدر : // الكاتب: 3ZbNy 7oBk

ما ارووع هالابيات
ابيات من ذهب ومنتهى الجمال والروعة

الموضوعالأصلي : بدع بدوش // المصدر : // الكاتب: فرح