الشارع الزاد آلامي

يا سيدي هو نفس الشارع
الباني عليو أحلامي
لو ماك دريان بالحاصل
لو ما صدقت كلامي
يا زول طالعني الشارع..

الشارع
جاتو الحمى
دخان و هلمة و لمة
بيبيع و إشتري و إتفرج
ويناقش سعر اللحمة
متسول يدعي لغيرو
بزيادة الخير والنعمة
و مكتوب في آخر حافلة
يا كاشف الهم والغمة
الشارع ما بتجما
يتصنط ويرمي أضانو
لي ناس و إشارة وزحمة
و قزاز عربية وبايع..

الشارع
شارع الجامعة
العلم الفكر الطالب
أستاذ و مناضل و ظالم
في المين الضاجي وصاخب
الصوت الصاح يا بلدي
ماضاع حق ليهو مطالب
و الركن الأثبت إنو
ميدان الطالب واسع...

الشارع
شارع بيتنا
و الباب في الباب يا جارة
مدقوق صيوان في نصو
ومعطل سير المارة
أغراب وقراب تجمعنا
أتراح ومناسبة سارة
لو غايب بسألو عنك
دكان الحي والجامع....

الشارع
شال الصحبة
أداهم اول خطوة
في الدرب الاسمو الغربة
طيارة تنزل شنطة
وصندوق مشوارو التربة
وطيارة تشيل الخلة
والشوق المابيتخبا
في كتير واقفين في صالة
بيوادعو صحاب و أحبة
وكتير واقفين في صالة
راجين الصاحب الراجع....

الشارع
اضيق شارع هو الفاتح على واقعنا
في خورو طفل متشرد
تحت التشييد كم مبنى
في الشارع حلم مغيب
سامعنو وما سامعنا
الشارع البرة أنحنا
والشارع الجوة أنحنا
والشارع الماشارعنا
ياصاحب برضو أنحنا
الأرصفة فارشة جرحنا
وبضاعة تزيد المحنة
معروضة في نص الشارع...( الباني عليو أحلامي)
لو ماك دريان بالحاصل
أو ما صدقت كلامي
يا زول طالعني الشارع.....

الموضوعالأصلي : الشارع الزاد آلامي // المصدر : // الكاتب: Aster

موضوع رائع وجميل
جزاك الله الف خير
شكرا لك و تحياتي

الموضوعالأصلي : الشارع الزاد آلامي // المصدر : // الكاتب: 3ZbNy 7oBk

طرحت فآبدعت
بآرك آلله فيك على الموضوع المميز
تحياتى

الموضوعالأصلي : الشارع الزاد آلامي // المصدر : // الكاتب: Mel!odas

الموضوعالأصلي : الشارع الزاد آلامي // المصدر : // الكاتب: أفندينا ♛