بحبك زى ماتكوني ..... وبعشق كل شيء فيكى
وصورتك ساكنه ف عيونى ..... وعمري بشوفه ف عنيكى
وحالف طول حياة روحي .... ما احن لحد غير ليكى
                      

بحبك يامني قلبي ...... بحبك زى ما تكوني

بحبك زى ما تكوني ...... وبضعف وانتى مش جنبي
بحس بشوقي وجنوني ...... في يوم ما تغيبي عن قلبي
يقولوا البعد بينسى ...... وفى بعادك يزيد حبي
                   


بحبك يامني قلبي ...... بحبك زى ما تكوني
بحبك زى ماتكوني ....... يا قمري وليلى ونهاري
يا أقرب من وريد فيا ........ وأقربليـــــا من دارى
يا أجمل حد حبيته ........ وأحلى ملاك فى مشواري
                 
بحبك زى ماتكوني ..... يامني قلبي وعيوني
 بحبك زى ما تكوني ......... يا أقرب ليا من نفسي
يا صوتي ونبضي وسكوني ...... ياأقرب من حنين همسي
ومن غيرك بتوه واضعف ....... ويبعد عنى نور شمسي
                         

بحبك زى ما تكوني ....... حزينة .. جريحة .. مغلوبة
يا عمري وفرحي وظنوني ..... يابسمه ف قلبي مكتوبة
وساعة بعيشها من غيرك...... ما هيش فى العمرمحسوبة

                    

بحبك يامني قلبي ......بحبك زى ما تكوني
بحبك زى ما تكوني .......رقيقه .. بريئة .. مظلومةب
حبك حتى لوكنتى .......شريدة .. عنيدة .. مهمومة
بحبك ذكرى فى الماضي .......وفرحة ف بكرةمرسومة

بحبك زى ماتكوني ..... يامني قلبي وعيوني
                                                   بقلمي خميس الصياد

الموضوعالأصلي : بحبك زى ماتكوني ..... يامني قلبي وعيوني // المصدر : // الكاتب: عابر سبيل

الموضوعالأصلي : بحبك زى ماتكوني ..... يامني قلبي وعيوني // المصدر : // الكاتب: أفندينا ♛

الموضوعالأصلي : بحبك زى ماتكوني ..... يامني قلبي وعيوني // المصدر : // الكاتب: أسوتي النبي

كتبت من وحي القلم 

من عمق الاحساس ومن عمق اعماق القلب ليصل للقلب

ابهرت بعذب احساسك وجميل حرفك 




تحية طيبة

الموضوعالأصلي : بحبك زى ماتكوني ..... يامني قلبي وعيوني // المصدر : // الكاتب: مخمليات